Տիտանիկը լուսնի պատճառո՞վ է խորտակվել

Շուրջ 100 տարի «Տիտանիկի» խորտակման մեղքը կրած այսբերգը այժմ կարող է ներում 

ստանալ, գրում է բրիտանական Daily Telegraph-ը` անդրադառնալով խորտակման 

հնարավոր նոր պատճառին, որn ըստ գիտնականների, եղել է Լուսինը: Այս մասին Տեխասի 

Պետական համալսարանի պրոֆեսոր Դոնալդ Օլսենը զեկուցում է տպագրվել Sky & 

Telescope ամսագրում:

Ըստ նոր ուսումնասիրության` իրականում «Տիտանիկի» խորտակումը «կանխորոշվել» էր 

բուն աղետից դեռ 3 ամիս առաջ` լուսնային զարգացումների բերումով:

Ըստ ուսումնասիրողների` 1912-ի հունվարի դրությամբ մի շարք աստղագիտական 

գործոններ են համընկել, այդ թվում` 1400 տարվա մեջ Լուսնի առավելագույն մոտեցումը 

Երկիր մոլորակին:

Այս ամենի պատճառով Կանադայի ափերից հսկայական այսբերգներ են առանձնացել իրենց 

սովորական տեղերից և լողացել դեպի հարավ: Դրանցից մեկն էլ, ինչպես հայտնի է 1912-ի 

ապրիլի 15-ին բախվեց «Տիտանիկին»` խլելով 1500 մարդու կյանք:

Ըստ պրոֆեսոր Օլսենի հենց լուսնային գործոնով է բացատրվում, թե ինչպես կարող էին 

այդքան շատ այսբերգներ հայտնվել «Տիտանիկի» ճանապարհին:

Գիտնականները չեն կարող հստակ ասել, թե 1912 թ.-ի հունվարին որտեղ է գտնվել 

«Տիտանիկը» խորտակած սառցալեռը, սակայն իրենց վարկածը կարող է «գիտականորեն 

խելքին մոտ լինել»:

Աղբյուր`tert.am