ՄԱՐՏԻ 1 - ԳԱՐՆԱՆ ԱՌԱՋԻՆ ՕՐԸ

Գարունը այնքա՛ն ծաղիկ է վառել,

Գարունը այնպե՛ս պայծառ է կրկին.

— Ուզում եմ մեկին քնքշորեն սիրել,

Ուզում եմ անուշ փայփայել մեկին։

Այնպե՛ս գգվող է երեկոն անափ,

Ծաղիկներն այնպես նազով են փակվում.

— Շուրջըս վառված է մի անուշ տագնապ,

Մի նոր հուզում է սիրտըս մրրկում...

Անտես զանգերի կարկաչն եմ լսում,

Ւմ բացված սրտում հնչում է մի երգ.

—Կարծես թե մեկը ինձ է երազում,

Կարծես կանչում է ինձ մի քնքուշ ձեռք...

Վահան Տերյան 1908թ.

Հարգելի բլոգի այցելուներ, շնորհավորում եմ բոլորիտ գարնան առաջին օրվա կապակցությամբ՝ Ցանկանում եմ լավն ու բարին, կյանքի Ձեր մեծ ճանապարհին, վարդեր բուրեն միշտ ձեր ճամփին։ Ցանկանում եմ անամպ երկինք ու իղձերի կատարում, որ ձեր դեմքին արևաշող չիջնի հոգսի ոչ մի ցող...

ՈՒ գարուններ եմ ցանկանում,

Որ գարուններ միշտ ապրես,

Գարուններով շրջապատվես,

Որ գարնան պես միշտ ծաղկես...