Պատրաստում ենք 2 կոկտեյլ

Ստորև Ձեզ եմ ներկայացնում 2 կոկտեյլ և դրանց պատրաստման եղանակները:

Mojito

Բաղադրություն՝

50մլ ռոմ

Լավ է, որ լինի սպիտակ և թեթև, իսկ եթե այդպիսին ձեռքի տակ չկա, խնդիր չէ, կարելի է օգտագործել ցանկացած ուրիշ ռոմ:

20մլ լայմի հյութ

Ունի թարմ օդի հաճելի համ և ստեղծում է փոքր ինչ քաղցրության հավասարակշռություն ռոմում: Սակայն խորհուրդ եմ տալիս միայն թարմ քամած լայմի հյութ:

2 թեյի գդալ եղեգնաշաքար

Կարելի է և առանց դրա, բայց եթե այն կա, ապա խմիչքը ստացվում է մոգական համով:

30մլ գազավորված անգույն ըմպելիք

Օրինակ՝ Sparite: Կարելի է և փոխարինել ցանկացած գազավորված ջրով:

Սառույցի մանր կտորներ

Տնային պայմաններում պատրաստել շատ հեշտ է. փաթաթել սառուցը սրբիչով և փայտե մուրճով ծեծել:

Պատրաստման եղանակը՝

Քայլ 1

Բարձր բաժակի մեջ լցնել լայմի հյութ և շաքարավազ: Լավ խառնել և ավելացնել մի քանի սառույցի կտոր:

Քայլ 2

Անանուխի թերթիկները առանձնացնել ցողունից, որպեսզի ուժեղանա հաճելի հոտը:

Քայլ 3

Ավելացնել ռոմ, մեկ անգամ ևս խառնել, բաժակը մինչև վերջ լցնել սառցե կտորներով:

Քայլ 4

Լցնել 30մլ գազավորված անգույն ըմպելիքը կամ հանքային ջուրը և վերջում զարդարել անանուխի ցողուններով:

Blue Lagoon

Բաղադրություն՝

օղի 50մլ

Կարող է լինել ցանկացած օղի, բայց ոչ տնական (քաշած)

լիկյոր «Blue Curacao» 20մլ

Այս լիկյորից էլ հենց ստացել է իր անունը. այն կոկտեյլի կարևոր մասն է կազմում:

«Sprite» 80մլ

Կարելի է փոխարինել ցանկացած անգույն գազավորված ըմպելիքով:

Զարդարանք՝ մի կտոր կիտրոն

կարող է լինել նաև լայմի կտոր

Բաժակ «Highball»

Ցանկալի է, որ լինի նկար 1-ում պատկերված բաժակի նման՝ գեղարվեստական ձևավորման համար:

Նկար 1

Սառուցի կտորներ

Պատրաստման եղանակը՝

Քայլ 1

Սառույցի կտորներով լի «Highball»-ի մեջ լցնել 50մլ օղի

Քայլ 2

Ավելացնել «Blue Curacao» լիկյորը (որը կոկտեյլին տալիս է անսովոր գույն), ապա խառնել

Քայլ 3

Բաժակը մինչև վերջ լցնել «Sprite»-ով և նորից խառնել, ապա զարդարել կիտրոնի կամ լայմի կտորներով: