«ՀԱՐՍՆԱՑՈՒՆ ԱՆԳԼԻԱՅԻՑ»

      Մարտի 9ին, Բաղրամյան 17 հասցեյում գտնվող Ալեքսանդր Թամանյանի անվանՃարտարապետների տանը կայացավ «Շանս» թաթերական խմբակի «Հարսնացուն Անգլիայից» ներկայացումը, բեմադրող ռեժիսոր և սցենարի հեղինակ` Արմեն Դալլաքյան:

      Ներկայացմանը մասնակցում էին գրեթե բոլոր ուսանողները: Ներկայացմանվերջում ավարտական վկայականներ ստացան   ավագ խմբի բոլոր ուսանողները,իսկ բոլոր մասնակիցները  պարգևատրվեցին շնորհակալագրերով… Իսկ այժմՀարցազրույց   ռեժիսորի և KarBlog.net կայքի կողմից հավակնած լավագույնդերասանների հետ:

Արմեն Դալլաքյան 

- Ռեժիսորը դուք եք. - Ի՞նչ և ումի՞ց սպասելիքներ ունեյիք նախքան ներկայացումը, և ներկայացման ավարտից հետո սպասելիքներն  արդարացրեցին թե՞ ոչ:

-  Սպասելիքներս անկեղծ շատ բարձր էին, բայց ի շնորհիվ իմ դերասանների, սպասումից էլ ավելին արեցին, ինչիհամար շնորհակալ եմ իմ դերասաններից:

- Իսկ ինչպե՞ս ստացվեց, որ որոշեցիք բեմադրել կոմեդիա, այլ ոչ ասենք մելոդրամա կամ  սարսափ: Կարծում էիք չե՞ն կարողանա դերասաները առայժմ այդ ոճում ներկայանալ:

-  Ներկայացրեցի կոմեդիա, որովհետև իմ 3 ներկայացումներն էլ կոմեդիա է եղել: Իսկ այսօր հայ ժողովուրդը միայն լացի է սովոր դիտել, այսինքն մեր սերիալները հիմնականում դրամատիկական ոճի են լինում, իսկ ես ցանկացել եմ, որ իմ հայրենակիցները միշտ ուրախ լինեն ու միշտ դիտեն կոմեդիաներ , այլ  ոչ թե դրամատիկական ներկայացումներ: Թեպետ դրան էլ իրենց տեղն ունեն, բայց ես ամեն դեպքում կողմնակից եմ  կոմեդիայի:

Վանուհի Մխիթարյան (Ոսկեհատ)

- Բավական հետաքրքիր էիք խաղում ծեր կնոջ կերպարում, թե’ սանրվածքով, թե’ բեմական կեցվածքով, և թե’ դիմախաղով տարբերվում էիք մյուս տարեց կանանցից: Ուզում եմ հասկանալ` դու՞ք էիք ցանկացել հենց այդ դերը մարմնավորել, թե՞ ռեժիսորի ընտրությունն էր:

- Շնորհակալ եմ ջերմ խոսքերի համար, իսկ դերս ռեժիսոր Արմեն Դալլաքյանի ընտրությունն է եղել:

– Ես գիտեմ, որ բազմիցս  խաղացել եք սերիալներում և տեսահոլովակներում, իսկ հիմա դուք եք  սցենարգրում և Ձեր իսկ հեղինակած ֆիլմում («Սեր...առանց սիրո») խաղում եք երկվորյակ քույրերի դերում, որտեղ մեկը դրական կերպար է, մյուսը բացասական:  Հե՞շտ է արդյոք այդքան տարբեր դերերում խաղալ (չարաճճի, անփույթ աղջնակի, ուսումանտենչ ուսանողուհու , այնուհետև տարեց կնոջ) կերպարներում:

– Իհարկե դժվար է, բայց եթե ուզում ես պրոֆեսիոնալ դերասան լինել, (եկեք պրոֆեսիոնալ լինելը չխառնենք հայտնի լինելու հետ), ապա լավ դերասանը պետք է կարողանա իր առջև դրված խնդրից արժանապատվորեն դուրս գալ: Այս դերասանի  մասնագիտությունը ես չեմ ընտրել, այլ մասնագիտութունն է ինձ ընտրել դեռ ներարգանդային կյանքում:Ուստի ես պարտավոր եմ` դերերում,  և’ հառաչել, և’ ծիծաղել ու շիկնել, մի խոսքով դառնալ, և’ շանթ և’ շանթարգել…:

– Հետաքրքիր պատասխան էր, հետաքրքիր է Ձեզ հետ զրուցել, իհարկե առաջին անգամ չեմ գրում Ձերմասին, բայց  հուսով եմ, և թերևս վստահ,  որ մոտ ապագայում կրկին կհանդիպենք:

– Կրկին շնորհակալ եմ ջերմ խոսքերի համար: Իհարկե կհանդիպենք, ես գոռոզ չեմ, և ինձ հանդիպելու համար բնավհարկավոր չէ, որ առիթ լինի: Միայն ուրախ կլինեմ…:

Հավանեցի՞ր, դե տեղեկացրու ընկերներիդ